En 2008, durante la campaña de las elecciones generales, tuve una pequeña intervención antes de la presentación del programa electoral del Partido Popular por  la entonces senadora Pilar Fernández Pardo.

Recuerdo dos citas de las que me valí para articular el discurso. Dos citas que resultan más que apropiadas en este momento cuando se percibe cercana la designación de candidata o candidato popular a la presidencia del Principáu d’Asturies.

Dijera Marco Tulio Cicerón que el buen ciudadano es aquel que no puede tolerar en su patria un poder que pretende hacerse superior a las leyes, como también dijo en su día Gaspar Melchor de Jovellanos que bien están los buenos pensamientos, pero resultan tan livianos como burbuja de jabón, si no los sigue el esfuerzo para concretarlos en acción.

Permítanme que, en lo que concierne al asunto tratado, me guíe antes por las sabias palabras de Cicerón o de nuestro Jovino que por las galeradas de ciertos aventadores de mareas que, por más que solapen, reiteren, porfíen o se instalen en la monomanía, no dejan de ser destinatarios de aquel refran asturiano que manifiesta de pequeñu matu nun pue salir gran llebratu.

‘La nueche de los muertos vivientes’, primer largometraje doblado al asturiano, se estrena el 25 de septiembre en Gijón

El cartelu del Festival de la Cerveza avilesín nun-y presta un res a la conceyala pertinente en custiones de progresía ¿feminista? En reduñes de la corrección político la edil (a) y delles asociaciones del ramu entamáronla a costa de la presencia caldarúa d’una rubia cervecera fecha dibuxu.

Nada nuevo que yá nun ficieren otres alumnes aventayaes de la “miembra” del executivu zapateril, la compañera Bibiana Aído. Eso sí, tratándose del crecimientu del paru femenín na comarca, al que tantu y tan de siguío contribúi la izquierda plural, naide nun gorguta.

Un servidor, como ye progresivu y non progresista, y amás dexa’l pensamientu únicu más bien pa prau, tópase bien a gustu cola illustración afayada pal esplumosu eventu. En cuantes a les dignes representantes de ciertu socialismu, enfotáu por tar en reduñes de lo caduco y de lo vulgar, encamiénto-yos la visión d’esti “clásicu” de la música popular que disfrutáremos cuantayá aquellos qu’a esta parte la película cuntamos con unos añinos:

Partes 1ª y 2ª de 4  d’una entrevista en L’Asturies Lliberal

Reproducimos una conversa con Humberto Gonzali que tien por tema l’asturianismu cultural, nes sos estremaes facetes, y que vamos publicar en cuatro partes dada la so estensión.

 Cuando se fala cola xente d’asturianismu, anque seya cultural, lo normal que ye lu asocien rápido col nacionalismu o que digan qu’eso ye lo de los del bable.

¿Y tenemos de criticar al paisanu por eso? Pues igual lleva bien de razón. Primero porque dalgunos siempres trataron de patrimonializar la reivindicación de la llingua y, segundo, porque pa demasiaos defensores d’Asturies lo asturiano entrulla namás no llingüístico, y ello, porque a fin de cuentes nin conocen el país nin tampoco nun-yos interesa.

Esa opinión ye un pocu radical…

Ye la que tengo y diría que nun ye otro que lo qu’hai. Mire, hai homes y muyeres por cientos qu’anden tol día trabayando polo de nuestro, pol asturianu y pola cultura propio, que s’enfoten en sacar proyectos a cada poco, que llaborien les más de les veces a estazón y que lo fain ensin mangase nenguna etiqueta. Son la xente de l’Asturies real, del asturianismu real, el qu’apina los llocales cuando s’entamen actos averaos en verdá a la realidá de nuestro, el que tovía vive en clave asturiana y ye’l verdaderu usuariu de la fala.

¿Ta usté contraponiendo esi asturianu “real” a otru qu’igual nun lo ye?

No que se vieno a llamar asturianismu cultural, onde torno a dicí-ylo muévese mui muncho más xente non autoetiquetada como ’nacionalista’ que lo contrario, hai persones qu’habiten un llugar que nun esiste. Hai dalgún qu’otru piñu persones qu’interpreten la realidá al so petite y nagüen porque’l restu’l mundu vaya perfaciéndose a un análisis que nun pasa d’asonsañamientu. Pero les coses nun funcionen asina. El mundu real, el de verdá, ye otru. Tu pues tener ocurrencies a tente bonete pero si al que-y mandes les tos idees va  vete como un marcianu… igual debieres pensar que tas fallando na to interpretación de la rodiada onte te quies mover. Nel asturianismu cultural hai bien d’asturianistes virtuales.

¿Asturianistes virtuales?

Igual ye que yá tengo unos años pero yá nun toi por comulgar con tou aquello que m’echen. Polo menos, yo, toi fartu pongamos por casu d’esi pésimu neofalante que pasó nun pis pas de cortar castellano a querer igua-y l’asturianu a los falantes patrimoniales; de los escritores ‘imprescindibles’ que nun pasen d’irrelevantes pero que lleven lustros teniendo de baldre a l’Alministración como la so axencia de viaxes; del que se piensa como gran teóricu de la cultura y nun ye p’amortizar la desmesura del so embliguismu; d’esi traductor que vuelca obra d’un escelsu autor angloparlante ensin saber nin papa d’inglés; d’aquel otru que descubre la parroquia un migayín montesina de dalgún güelu y yá nos desplica los mecanismos del mundu rural a tou quisqui…. Vamos, que podría tar d’esta traza bien d’ello y nun fadría más que dexar a les clares lo tremáu qu’anda’l nuestru asturianismu cultural d’enzancos que nun-y permiten salir del pilancu.

Pinta un panorama mui ñegru…

Non, tolo contrario. Frente a esto hai, como yá-y dixi enantes, una gran mayoría, silente les más de les veces, eso sí, que fai los deberes de contino. El casu ye que fai falta una puesta al día. La mayoría tien de dexar esi xeitu calláu, tenemos de devolve-y la voz a la mayoría y llograr poner orden na casa pa torgar qu’unos pocos nos la valten de toes toes. Dicho d’otru mou, y pa que se m’entienda, fai falta un puñetazu enriba la mesa y tayar pela freba ciertes soplapolleces y más d’un apegu a la política del chiringuitu. Esa forma d’entender Asturies ha esmucise dafechamente porque sinon la que muerre ye la propia Asturies.

Pero nel asturianismu cultural sí hai coses que furrulen. Siempres se diz que la lliteratura ye lo que más normalización llogró.

L’asturianismu, en cuantes que referío a lo asturiano y a la cultura asturiano ye muncho más que la llingua. Ya lo dixi. La lliteratura ye una consecuencia de la llingua. Poro, por más que tenga una relativa bona salú, socialmente tien el pesu que tien., lo que nun-y quita un rispiu d’importancia no cualitativo pero, siamos serios, fuera d’esto pue ser irrelevante.

¿Irrelevante?

Sí, sonará raro, hasta contradictorio pa conmigo, pero pa que les coses vayan p’alantre hai que ser capaz de perconocer l’estáu de les situaciones. Uno ye aquello polo que nagüemos y otro lo que cualaquiera pue atopar. Falen muncho unos pocos de sistemes lliterarios asturianos, de trescendencies sociales del escritor y hasta del destín universal pero tou esto a la xente, y meto dientro a los propios escritores, nun-yos importa un res. Igual porque detrás de tantu artificiu y tanta pose nun afayamos nada.

Nun negará que la lliteratura n’asturianu d’anguañu ye perbona…

¿Y? Mire, hai escritores perbonos, bonos, regulares, malos y hasta espantibles. En conxuntu, el nivel ye notable, abondo más de lo que se podría aguardar nuna comunidá onde los falantes d’asturianu anden poles 400.000 persones y d’éstes son unos poquitinos de miles los mínimamente alfabetizaos, ya incido no de mínimamente, porque la preparación que se da nesi sentíu ye perronera davezu. Que esa ye otra. Hai profesores estupendos pero tamién un númberu demasiao altu que nun sé cómo tán dando clase d’asturianu. N’Asturies son munches les estayes del asturianismu cultural que fallen más de lo razonable. Entamando pola mesma Academia de la Llingua, institución que yo siempres defendo por demás, pero que tien académicos que nun son pa llevar una conversa nun asturianu aceptable. Pero volviento a la lliteratura, verá, fai falta promoción, que nun la hai, fai falta apoyu institucional, qu’hai bien poco, fai falta estructura  específico como un Institutu de les Lletres, que nun lo hai, fai falta crítica lliteraria, qu’escasea hasta’l puntu de que topamos críticos d’obres asturianes que nun saben nin articular una frase na nuestra llingua pero atrévense a esbillar d’acuerdu al so petite, y asina podía falar un bon cachu. Tamos mui bien no tocantes a la esistencia de títulos de calidá y d’autores qu’allugaríemos ente los más selecto de les lletres españoles, pero’l seu que resta p’algamar una cierta normalidá tovía ye llargu. Tamos bien pero falta muncho, hai autores bien bonos pero anguañu tovía nun hai nengunu imprescindible, nengunu.

Ta usté chando unos cuantos calderaos d’agua frío a la opinión xeneralizao sobre la nuesa lliteratura cuando usté ye ún de los principales propagadores d’esta. Refiérome a l’Arribada.

Sí, claro, que peque de realismu nun quier dicir que nun trabaye  pola igua de la custión. Queda muncho, mui muncho por facer, pues entós nun vamos namás que tar naguando, habrá que trabayar ¿non? Pues eso ye l’Arribada, xente que formamos parte de lo  conocío como sociedá civil y que tando pola llingua y lliteratura de nuestro movémonos, tenemos idees y ponémosles en prática. Envede falucar, trabayamos. Lo tristayo ye qu’esto que facemos nós nun ye siempres la norma. Mataos qu’igüen el país delantre una copa hai a maza, pero persones responsables, trabayadores y modestes, nun hai tantes. Y cuando falo de modestia incido nun mal porcentualmente altu dientro d’esti asturianismu cultural. Podemos afayar dalgunos egos inflaos hasta’l ridículu qu’amás de llantar pilancos a tolo que se mueva en positivo tienen, en dalgún casu, una voz con demasiada megafonía. Equí vendría bien un cortocicuitu pa baxalos de la nube a ellos y a los sos propagandistes. Asturies precisa de xente que trabaye porque de narcisos vamos sobraos.

Nótase-y un ciertu enfadu  que nun casa cola so trayectoria de persona moderada.

Nun toi enfadáu, toi cansu, y doime cuenta de que la mio patria ta nuna encruciada, igual definitiva, onde pue garrar un camín que la lleve al futuru ou otru que la entrulle nel desaniciu.  Lo que faiga l’asturianismu no cultural, y no políticu, pue ser fundamental na escoyeta. Yo siempres fui sinceru y coherente y, cuando la moderación y el diálogu nun abastaben, fici lo necesario; y los que me conocen persaben de lo que falo, como tamién lo persaben unos pocos que de resultes d’esbarrumba-yos dalgún chiringuitu previsible guárdenme un odiu mal disimuláu. Igual toi falando de la diferencia ente los que tenemos valires y compromisos, dende’l nivel de la xermandá hasta’l de la comunidá histórica onde nos tocó vivir, mientres qu’otros nun tienen más enfotu que’l porgüeyu personal y la rocea cainita alimentadora del so egu. Mire, nel asturianismu cultural más visualizáu hai delles estrelles de plesiglás al tiempu que menos respetu del lóxicu pa les personalidaes más brillantes. De lo primero permítame que nun ponga exemplos, masque pa los informaos nun fadría falta, y que de lo segundo cite, por poner un casu, a David M. Rivas, un paisanu col que tengo discrepancies polítiques pero col que comparto la busca de la verdá como oxetivu vital y l’enfotu pol desarrollu moral ya intelectual del ser humanu. Que en dellos círculos se tenga en menos estima al profesor Rivas qu’a dalgún salvapatries de cartón piedra espeya les miseries del asturianismu cultural, unes miseries que nun se puen consentir.

…masque non polo qu’él taba naguando. Nos manuales correspondientes, el so nome tará venceyáu a un aténticu güelpe contra l’estáu del bientar nel nuestru estáu. Él ye’l primer presidente de Gobiernu español que tuvo l’aquel de conxelar les pensiones, contra lo que la llei determina, y l’otru aquel  de rebaxar los salarios de los trabayadores públicos nun 5%. Y amás, ello fadrálo obligáu polos requerimientos imperativos de mandatarios estranxeros y non como consecuencia de la crisis económica, pues l’aniciu d’esti desmán ta nun déficit que xeneró l’actual inquilín de La Moncloa a comuña coles mentes ‘pensantes’ del so partíu, a sabiendes de les consecuencies y col envís de ganar elecciones previu engañu a la ciudadanía. En resume, Zapataro resultó ser un gallu ensin espolón y un frívolu incapaz. De tou ello tendremos, por desgracia, abondo pa falar. De mano, namás un recordatoriu a dellos ‘pensadores’ llocales que tuvieron a bien estrenase en querencies p’hacia la ceya circunflexa ciertu mes de marzu, na carbayona cai Manuel Pedregal, y que va bien poco inda mentaben al recién descubiertu asesín del gastu social como, y cito testualmente, el meyor presidente de la democracia. En considerando la so parte alícuota  de responsabilidá  nel encumamientu d’esti gobernante allugáu nel desgobiernu, permítanme ustedes un pequeñu biecu, propiu -por repetíu- de la izquierda plural:

¡Sían coherentes!,  pídan ustedes perdón a los funcionarios y pensionistes poles gafures que cola so aidanza a toos nos llegaren.

Muria del Chao Samartín

Dixera va un tiempu Enrique Múgica Herzog, que la democracia nun ye’l silenciu, ye la claridá con que s’esponen los problemes y la esistencia de medios pa resolvelos. Enrique Múgica ye ún de los más intelixentes militantes que tuvo, dende enantes los tiempos de la transición, el socialismu español. Lo tristayo ye que s’acollumbra como una rara islla, llantada metanes una mar de mediocridá y sectarismu qu’apina al so partíu. Yo, como lliberal que soi, tengo a bien y en reduñes del bon criteriu, aceptar siempres lo bono venga d’onde venga y ser pa perconocer la non esistencia de la verdá absoluto. D’ehí que tantu ciñu-y tenga a la cita de Múgica Herzog. Y siguiendo esi filu afronto los socedíos, increyibles por demás, que tamos viendo en Grandas de Salime.

Les nueves últimes sobro los movimientos del catalanoparlante y, per agora, director del Muséu Etnograficu de Grandas de Salime, el señor Cuesta Toribio, en compaña del xeólogu Jesús Jordá, más conocíu por ser fíu del so padre, l’insigne prehistoriador Francisco Jordá Cerdá, llévennos a pensar que les coses pinten más que mal pal nuestru patrimoniu cultural. Si se confirmen delles xestiones, feches por estos ciudadanos tan afines a la gobernanza arecista col envís de contratar arqueólogos nuna vecina comunidá autónoma, taríemos en delantre d’un problema de los gordos, no humano, no social y no político. Y si, como dalguién a lo normal bien informáu me narrara, ente los contratables anden un piñu d’espertos con sensibilidá bloqueira, díbemos alluganos nun escenariu de durísimes belixerancies.

Cómo non, pa poner a trabayar a xente nun sitiu onde yá tien xera, va once años, otru equipu, fai falta quitar a dalgún. Más claro, imposible. El casu ye que les escavaciones de Chao Samartín empobinábales Ángel Villa Valdés, con tola profesionalidá del mundu y con bonos resultaos p’amosar a la sociedá científico. Pero Ángel Villa, que nin ye catalanoparlante nin ye bloqueiro, tuvo a bien opinar sobro’l cese de José Naveiras Escanlar y dicir, n’abiertu romance, qu’aquello yera una cacicada. Entós, tolos mecanismos del pensamientu únicu que tien manaderu na conseyería de Cultura, mangárense a ‘depurar’ elementos díscolos. Esto ye lo que tenemos, una purga d’acuerdu a la meyor praxis estalinista, qu’amás pue acabar dándo-y cancha nel nuestru Occidente a  grupos que de vieyo anden emperrándose en negar l’asturianidá de los conceyos ente’l Navia y l’Eo.

En verdá, más llamentable exemplu de que los xestores culturales de les conseyeríes uvieínes nun conocen Asturies, nun lu hemos topar. Tanto Mercedes Álvarez, como los que respalden les sos ocurrencies, como los que son cómplices necesarios, compórtense como marcianos abducíos por una modernidá que nun ye otro que provincianismu, indocumentación y despreciu a la xente asturiano y a les sos tradiciones y cultura. Los demócrates qu’amás de selo exercemos d’ello enveredamos a la práctica l’acertada cita d’Enrique Múgica Herzog, nun nos callamos, identificamos al problema y a los sos axentes y plantegamos los medios p’afaya-y igua. Y falando d’iguar, la salida a esta llamorgal pasa porque la señora Álvarez torne pa la so casa, porque’l señor Cuesta desarrolle les sos habilidaes de catalanoparlante ellí onde la llingua de Pompeu Fabra sía l’autóctona, y porque’l señor Jordá tresllede les sos ínfules redencionistes a llatitúes más combayones col revisionismu zapateril. Grandas de Salime ye Asturies, masque dellos tengan suaños neoyorquinos, y nada hai más sagrao pa un asturianu de bien que’l país de los sos mayores.

 Xosé Antonio García y la so poesía yeren fíos d’un llugar y d’un tiempu, del Mieres d’aquel entós y d’unes décades onde’l particular mundu marcáu a la vera del Caudal (el Ríu Grande de los antiguos) produció nomes importantes pa la cultura d’esta Asturies de nós.  Él fue pa danos una imaxe rigurosa de la humanidá y les munches contradiciones que la puen conformar, ensin deformaciones infecundes nin artificios vacios. Xuntó con metáfores directes y pensamientos del más llográu llirismu la escuridá qu’añera nos requexos del alma y la premonición del desaniciu. Dempués del so segundu poemariu, Alcordances d’un home muertu, Xosé Antonio García morrería físicamente pero diba camudar a residente nesa eternidá primixenia qu’amarra a los asturianos contra la tierra que nos perpetúa.

El so gustu pol afondamientu nel llatín, griegu y árabe clásicos, de la qu’estudiaba Filoloxía Románica ya Hispánica, facilitó-y un conocimientu de primera mano d’una bayura obres enxertaes nes más granibles tradiciones de la lliteratura mundial, afayando de resultes d’ello un bagaxe cultural que pocos lliteratos n’asturianu teníen daquella y que, digámoslo tamién, d’entós p’acá pocos más se punxeren a la xera de tenelu. Y asina, cuando se publicara l’escelente Cuartetu de la Criación, de la man del Ayuntamientu de Mieres, dalgunos nun nos sorprendimos. Xosé Antonio yá anunciare, nes revistes “El cuélebre literario” y “Malku”, esi camín bayurosu, clasicista, frutu de la propia y dura esperiencia y d’un legáu tan vixente y presente como l’aire o l’augua. Esi llibru yera poesía xurdiendo a golfaraes, con una vitalidá reivindicativa de la esperanza, por más que los sos paisaxes enxertaos ente l’amor y el duelgu trescurríen davezu pelos silencios que la dulda xeneraba.Cuando pienso en Xosé Antonio alcuérdome siempres d’una llarga conversa nocherniega que caltuviéremos, sofitaos na barra d’un pub, sobre’l platonismu na poética de Garcilaso de la Vega y la capacidá del clásicu pa describir la señardá que la mesma esistencia produz. Diéremos-y vueltes y vueltes a los versos que decíen no me podrán quitar el dolorido sentir, si ya primero no me quitan el sentido, y el casu ye que nun pudimos da-y acabu satisfactoriu a los argumentos qu’ellí nacíen. Emplazáramonos pa otra nueche, na mesma barra de pub, pero’l destín nun lo quixo permitir. Más pudo la muerte y, demientres díbemos pa contra’l nuevu sieglu, paecía que tres d’ella diba venir l’olvidu. Nun sé, o quiciás sí, por qué pasamos tantos años ensin perconocer la relevancia de Xosé Antonio pa la nuestra lliteratura, por qué al tiempu que se lloaba a lo bono, pero tamién a lo espantible como si fuera tamién bono, escaecíemos la so esistencialista voz. Felicitémosnos pol actu de xusticia que supón la dedicatoria de la Selmana de les Lletres a la so persona y a la so obra. Pero cuando ésta pase, que nun quedemos otra vegada ensin remembranza d’aquel  “doloriu sentir”, el qu’amó la muerte y escribió versos con nomes de duelgu pa vengase del home onde habitaba. 

Andreu Nin

La izquierda institucional n’Asturies, ye dicir, el PSOE ya IU, nunca nun foi dalgo con pedriguí democráticu. Nesta estaya del espectru politicu siempres prestaron por demás les maneres, digámoslo con terminoloxia más actual, tendentes a lo bolivariano. Ye lo que tenemos, pa qué vamos engañanos. Los socialistes tienen por dirixentes una rara mezclienda de fíos y ñetos del réxime, franquista, y d’ex de les estremaes families comunistes, más un variáu muestrariu de representantes d’eso que se dio en nomar pijoprogres. De los comunistes qué falar, si nun son nin p’aparentar una mínima crítica a dictadures que sían de la so cuerda, como ye’l casu de la cubana. 

Estos díes,   onde pa  tanto da l’asuntu del patrimoniu d’un fíu de falanxista, el señor José Bono, el diputáu Llamazares tuvo a bien empobinar los restos estatales de la so formación a un nuevu ridículu. Nun se-y ocurrió otro que ponese a pedir el valtamientu de la Llei d’Amnistía de 1977. Nada raro nesi inventu peculiar consistente n’amazcar al Partido Comunista de tola vida con una sigla y dellos grupinos satélites. Vamos, como mui d’otru tiempu. Pero lo que nun diz, si ye que lo pensó, el diputáu Llamazares, ye que si pretende ‘sentar al franquismu nel banquiyu’, por aquello de que ciertos crímenes nun prescriben nunca, pue tar favoreciendo que se xulgue a PSOE y PCE polos sos propios crímenes. Ye lo que tien esta izquierda de nuestro, tan desnortiao ya indocumentao. 

Tovía esti llunes, nuna tertulia radiofónica fecha n’emisora bien poco sospechosa de derechismu, interviníemos trés representantes de les fuerces polítiques con presencia nel  Ayuntamientu xixonés. Aparte de ser yo mesmu, voceru del Partíu Popular, l’únicu qu’usó la llingua asturiana nes sos intervenciones, cosa que digo como indicativo pa dalgunos, los ellí presentes punxímonos a falar del presuntu prevaricador Baltasar Garzón y de la permansuñada Memoria Histórico. Como un servidor nun ye de los que conocen la historia pela vía del parte oficial del zapaterismu, y llegaos al momentu de falar de la tristaya realidá que suponen les fueses con muertos de la represión, fíce-yos alcordanza de qu’amás de los agora reivindicaos tovía queden en sucu munchos de los d’otra parte. 

Llanté enriba la mesa’l casu de los esqueletos afayaos n’Alcalá d’Henares nel cuartel de la BRIPAC, de los qu’esti Gobiernu nun quier saber un res. Falé de la suposición, mui bien basada, sobro la presencia ente aquellos restos óseos del que fuera llider del troskista POUM, Andreu Nin, el mesmu al que xente del PCE y axentes soviéticos pulgaron vivu y después aperriyaron cuando’l Madrí de checa y paséu nocherniegu. La moza que s’estrenaba por IU solo pudo volver a repetir, como un mantra, la consigna del día alrodiu de les cuites del ciudadanu Garzón. Manuel Muruais, que fuera va un tiempu conceyal polos socialistes, amosaba nel rostru cómo-y mancaba que-y frañeren el discursu con retayos d’una Historia a la que los sos collacios de partíu quieren h.ispia-y la Memoria. Con tou ello, meyor fadría’l señor Llamazares dexando pa prau los sos esperimentos parlamentarios. El guerracivilismu, el mesmu que tanto-y peta a la nuestra izquierda, enxamás nun condució a nada bono. Nin pa los unos, nin pa los otros.

La descomanda cantidá de ciudadanos que s’afayen fuera del mercáu llaboral suponen pa la nación una realidá dramática. Munchos d’ellos ven cómo escosen los subsidios ensin que xurdan nel horizonte espectatives clares d’ameyoramientu. Y hasta agora mesmo, lo único que tien fecho l’inquilín de La Moncloa ye entamar comisiones a tente bonete ya inventase conceyos ensin cuentu, inútiles por demás pero, eso sí, coles oportunes ruedes de prensa, nes que nada nuevo nun se diz y siempres dalgo se quier vender. Ente tol mangaráu de xuntes, la última ocurrencia que tuvo la gobernanza socialista foi la xuba desnortiada del IVA. Cualaquier ciudadanu con un mínimu sentiu común, que ye’l menos común de los sentíos pal PSOE, persabe que nun esiste cosa más regresiva, falando de les perres de la xente, que l’alza xeneralizao d’impuestos. Y nesto tamos. Los socialistes afirmen, bien ufanos, que nagüen por activar la nuestra economía y, miren per ónde, nun se-yos ocurre otro qu’enfotase en gravar el consumu directu de los españoles. Les consecuencies que tendrá esti incrementu dafechamente innecesariu vamos sofriles toos, y ello porque se fadrán notar de sópitu nel aumentu los precios. Lo que ye lo mesmo, que col envís de frenar la recesión va provocase inflación. La verdá, ye complicao maltratar con mayor emperramientu a la yá más que mancada situación económica.

Nel diariu El País anden emperraos nuna cruzada contra aquelles canales, a lo que paez non progres, que tán xorreciendo la so audiencia na más que viniente TDT. Persabemos que la falta perres pue llevar a la xente a facer lo que n’otra situación nun se fadría. Conozse la delda del grupu PRISA, astronómica por demás. Y ye del común que nin el periódicu nin el grupu editorial tienen agora la esclusiva nes preferencies de la gobernanza socialista.

Anda la cosa demasiao repartida como pa satisfacer los intereses crematísticos de la que fuera, va bien de tiempu, la cabecera del ‘réxime’. El casu ye que, más allá de la babayada que supón l’ataque simplón a los medios que nun comulguen con ún, nel diariu El País nun son pa estremar lo que tienen per delantre.

Viviendo como viven, semeyo al partíu de la so vieya querencia, nel fracasu ideolóxicu, atesteronen na reprobación con llamatos que, si furrularen cuantayá, nel sieglu qu’entamemos va poco resulten ridículos y lleven a la desafección y refugu de munchos de los sos llectores. Lo de etiquetar de ‘ultres’, ‘fascistes’, ‘franquistes’, ‘racistes’ y otres ayalgues p’acometer al competidor nes idees (y no económico) tien un pelligru; el d’acabar encetando de materia fanático al propiu sectarismu.

Asina vemos como nes anteriores categoríes descalificantes yá entren hasta periodistes y tertulianos que son periodistes y tertulianos de so. Y per esti camín namás llograrán que se considere un estigma social decir que yes d’El País. O dicho con otru xeitu, y si los numberos colloraos nun lu lleven enantes al desaniciu, nun ha tardar el día que sía’l El País lo ultra y lo facha.

 +

Cuando l’aspirante a artista o intelectual tien poco o nada qu’aportar, tira siempres de la transgresión simplona y fata. Si la obra nun val un pimientu nun importa. Con provocar, eso sí dende la progresía, abasta pa tener un nome nesi mangaráu de vanidaes y cretinismu qu’apina la “cultura” oficial. ARCO, esa feria del arte onde tou val, dende lo espléndido a lo perrero, y que tanto-y da la xenialidá como’l tránsitu vital de les piedres y les sos circunstancies, nun diba fuxir de nenguna d’eses zunes cimeres qu’añeren nel maxín de tola izquierda aburguesadamente combativo d’Europa: l’anticlericalismu y l’antisemitismu. Esti añu correspuénde-y a Eugenio Merino, a lo que paez artista plásticu, facer la gracia. La so aportación a la Historia del Arte nesta edición de la feria ARCO ye “Escalera al cielo”, según él una “reflexión sobre la relixón”, que consiste básicamente en llantar a un musulmán agacháu con un cura católicu enriba, rezando de rodielles, y un rabín sobro ésti. Completa la escena, nun llateral,  un subfusil Uzi que caltién la menorá (candelabru hebréu de siete brazos). Lo que se diz mui artísticu’l resultaú. Cómo non, los amigos de lo social pero con tarxeta oru anden encantaos, présta-yos pola vida esta ayalga creativa. Por prestar, de seguro que tamién habrá dalgún neonazi empixáu cola composición, y pue qu’hasta dalguna escritora de tertulia feminista, medio postulante de la violación de monxes por “sudorosos y viriles” milicianos, tenga pie pa un cuentín o asemeyao. El casu ye que a esta triba de controversiales  onde afayamos al Eugenio Merino de turnu nun-yos da, pongamos el casu, por pintar, esculpir o fotografiar a un Mahoma dau a los sos faceres maritales que, como cualquier documentáu sabrá, avezaben a situase de toes toes neso que conocemos como pederastia. Equí l’arte de la provocación esvanezse. ¿Y por qué sedrá? diría un inocente.

Nun voi yo decir nada nuevo a estes altures que yá nun se dixera no tocantes al fechu del vergoñosu cese de José Naveiras Escanlar, Pepe El Ferreiro, como director del Muséu Etnográficu de Grandas de Salime, qu’él mesmu creara cuantayá, d’aquella cuando esto del patrimoniu etnográficu yera pa cuasimente tol mundu asuntu de cuatro alloriaos.

Nun voi facer recordanza d’esi datu, a lo que paez poco relevante pa la gobernanza socialista, qu’espeya un beneficiu nel Muséu de munchos miles d’euros pues, d’alcuerdu cola verdá oficial, la xente del matemáticu metíu a conducator bien nos indicó a la ciudadanía que les coses había que les cambiar porque ellí too diba más que mal, y nun ha ser qu’un representante de la derechona como servidor diga lo contrario, que toos somos conocedores del dogma históricu qu’alluga a la razón siempres nel llau izquierdu.

Y nun voi, Dios o los referentes laicos al usu me llibren d’ello, a tar a la gueta de miseries humanes nel determín del ciudadanu Eustaquio Revilla Villegas, a la sazón alcalde  mediopensionista y progre del conceyu onde tienen l’aniciu parte los socedíos masque, permítanme ustedes una maldá con aspiraciones a falcatrúa, tengo pa min que col añu venideru habrá grandaleses a maguyu dispuestos a otorga-y al rexidor municipal d’ínfules zapateriles tantes opciones a repetir mandatu como, faigamos remembranza, diéran-y al tamién compañeru de puñu y capullu José Luis Castelao Díaz.

Güei voi namás que percalcar dos coses llamatives. Una, l’empixe del escoyíu pol réxime arecianu pa cubrir l’escenariu, l’arqueólogu segovianu  Francisco Cuesta, qu’anda colo que-y paez “ilusionante proyecto” . Nun aldovinamos tovía lo que’l señor Cuesta, n’otru tiempu prometedor collaciu del aseñardáu José Luis Maya, va incrementar los gastos de personal del Muséu. Sabemos lo que cuesta al erariu públicu un director con sueldu de conserxe, casu de Pepe El Ferreiro, pero inda nun nos informaren de lo que cuesta un Cuesta afayaízu pa les proyecciones modernizantes de la conseyería. Con tou y con ello, diríase que los habitantes de Grandas tán de norabona, pues podrán presumir d’una incorporación al vecindariu bien dotada pa los idiomes.

Dicía’l mentáu, el miércoles de la semana presente, que-y tenía un ciñu especial a Cataluña y que yera catalanoparlante, lo que nun resulta pocu aquello nestos tiempos onde les prefencies de ciertu presidente de ceyes circunflexes apunten p’hacia latitúes abondoses en tripartitos y senyeres. Eso sí, desconocemos si’l  llicenciáu Cuesta tien conocencia de que los más de los grandaleses usen, cuantísimayá, una fala propia. Vamos, que lo falao davezu por esos asturianos, incluyíu José Naveiras Escanlar, nun lo falen nin en Sabadell nin en Xixón, ya igual nun son pa entender lo meritorio de ser parlante de catalán, y non falante, pa dirixir el meyor muséu etnográficu d’Asturies.

Per otra parte,  tamién pinta llamativo lo que pela bloguesfera n’asturianu y amás nacionalista se diz y comenta del cese, o más bien tendríemos de decir lo que nun se diz nin se comenta. Veamos; nesi termómetru de la conciencia cívica que ye’l grupu d’apoyu a Pepe El Ferreiro en facebook vemos una carrapotada miembros que podríemos etiquetar d’asturianistes, nel sentíu más ortodoxu del términu. Hai d’esa sensibilidá persones de toles estayes de la cultura asturiana, dalguna metida a menesteres políticos, y hasta háilu que participa de dambes categorías. D’ente tales asturianistes munchos son claramente nacionalistes, lo que nun ye nin bono nin malo en sigo mesmo.

Pero nesi otru mundín virtual que ye la bloguesfera dalgo fallo. Sacantes poques escepciones, vinientes a lo xeneral de los más moderaos y con mayor documentación del colectivu, tou ye escaezu y silenciu. Toparémos perhí mui estremaes pelres, les más de les veces orniaes de narcisismu adolescente, pero poques referencies a la última cacicada socialista. Y lo que son les coses, toparémos bien d’entraes sobre Cataluña y el catalán, y sobre los tripartitos y les senyeres. Rara coincidencia ésta, ente’l segovianu que ye catalanoparlante y parte d’una bloguesfera que, a lo supuesto, ye asturianofalante.

En Madrid, a 14 de noviembre de 1975 y reunidas las delegaciones que legítimamente representan a los Gobiernos de España, Marruecos y Mauritania, se manifiestan de acuerdo en orden a los siguientes principios:

 

 

1º) España ratifica su resolución -reiteradamente manifestada ante la ONU- de descolonizar el territorio del Sahara occidental poniendo término a las responsabilidades y poderes que tiene sobre dicho territorio como Potencia Administradora.

2º) De conformidad con la anterior determinación y de acuerdo con las negociaciones propugnadas por las Naciones Unidas con las partes afectadas, España procederá de inmediato a instituir una Administración temporal en el territorio en la que participarán Marruecos y Mauritania en colaboración con la Yemaá y a la cual serán transmitidas las responsabilidades y poderes a que se refiere el párrafo anterior. En su consecuencia, se acuerda designar a dos Gobernadores Adjuntos, a propuesta de Marruecos y Mauritania, a fin de que auxilien en sus funciones al Gobernador General del territorio. La terminación de la presencia española en el territorio se llevará a efecto definitivamente, antes del 28 de febrero de 1976.

3º) Será respetada la opinión de la población saharaui, expresada a través de la Yemaá.

 

4º) Los tres países informarán al Secretario General de las Naciones Unidas de lo establecido en el presente documento como resultado de las negociaciones celebradas de conformidad con el artículo 33 de la Carta de las Naciones Unidas.

 

5º) Los tres países intervinientes declaran haber llegado a las anteriores conclusiones con el mejor espíritu de comprensión, hermandad y respeto a los principios de la Carta de las Naciones Unidas, y como la mejor contribución al mantenimiento de la paz y la seguridad internacionales.

 

6º) Este documento entrará en vigor el mismo día en que se publique en el Boletín Oficial del Estado la “Ley de Descolonización del Sahara”, que autoriza al Gobierno español para adquirir los compromisos que condicionalmente se contienen en este documento.

CARLOS ARIAS NAVARRO

 

AHMED OSMAN

HAMDI MOUKNASS

Imprimir

Imprimir