Humberto Gonzali

Acabantes cellebrar el Día Internacional de la Muyer atopé esti vidiu, y nun pude torgar una sensación que diba ente l’ascu y la esmolición. En trés minutos podemos ver y sentir a un individuu nomáu Ahmed Al Mubi, oficiador de matrimonios na Arabia Saudina, xustificando que los musulmanes se casen con neñes pa seguir l’exemplu del so Profeta, qu’asina lo ficiere con una cría de seis años.
Encamiento a dellos testerones propagadores del anticlericalismu (anticatólicu, cómo non), y a esos fanáticos de cierta Allianza Civilizaciones, que miren y remiren esti documentu de la barbarie que sofren millones de muyeres en munchos de los países islámicos. Y sí, tamos d’alcuerdu en que nun pasa na totalidá de los mentaos países, pero tamién sabemos, bien tristayo ye, qu’esto socede en demasiaos. Permítaseme entós que nun siendo yo marxista reproduza una cita de Karl Marx, que vien bien a cuentu nesti casu: “El progresu social pue midise pola posición social del sexu femenín“.