Manifestantes saharauis nes cais d’El Aaiún, en xuliu de 2006
El Frente Polisario tola vida anduvo al debalu cuando se trataba d’escoyer relaciones preferenciales dientro’l mundu políticu del Reinu d’España. Escoráu p’hacia la manzorga ideolóxica tuvo, y tovía ta, basculando ente’l PSOE y IU. Ente la progresía de pensamientu débil y los integrantes del “sindicato de la ceja”. Ente lo malo y lo más malo. Nin pudo, nin quiso, venceyase a esa parte que siempres foi seria nes sos posiciones sobre la cuestión del Sahara y que supo y sabe, por demás y Perejil mediante, cómo tratar colos marroquinos. Dende la so nacencia’l Frente Polisario garró compañes que lu llevaron a nenyuri, l’Arxelia d’Houari Boumedienne y la Unión Soviética na so etapa más espansionista. Eso fizo y ehí siguió. Talo paez que nun deprende nin un rispiu cola propia esperiencia; y el casu ye que mientres s’emperre neses víes muertes malamente habra un futuru col Sahara Occidental llibre. Como nada nun hai meyor pa ver les coses con perpectiva que revisionar los fechos pasaos, voi facer una pequeña esbilla de la correspondencia que tuvieron los del PSOE cola querencia saharaui pa con ellos. Y después, saquen ustedes les conclusiones oportunes.
-1976. 14 de payares. Felipe González, xunto con otros dirixentes socialistes, visita los campamentos de refuxaos en Tindouf y nun discuru encesu diz que “ PSOE estaría con los saharauis hasta la victoria final”.
-El PSOE y el Frente Polisario emiten un comunicáu, teñíu de prosa internacionalista, declarando nulu l’alcuerdu de Madrí y denunciando la guerra d’esterminiu fecha por Marruecos contra’l Pueblu Saharaui.
-N’avientu d’esti añu’l XXVII Congresu del PSOE adopta una resolución d’apoyu a la autodeterminación de los saharauis y al Frente Polisario (toos sabemos que pasó con tou ello bien poco después).
-1983. 11 de mayu. El recordáu ministru socialista d’Esteriores, Fernando Morán, afirma qu’España apoya’l derechu del Pueblu Saharaui a la independencia, pero en llegando les votaciones de la ONU el gobiernu del PSOE apúntase a la abstención.
-1 d’agostu. Los gobiernos del socialista Felipe González y de Marruecos firmen un alcuerdu de pesca n’agües saharauis.
-2008. Segunda gobernanza socialista, agora de la man del ‘talentosu’ José Luis Rodríguez Zapatero. El gobiernu del PSOE vende, a preciu simbólicu, llanzadores de bombes de fragmentación a l’aviación marroquina.
- 27 de xunu. El Conseyu de Ministros, presidíu por Zapatero, l’artífice de l’Alianza de Civilizaciones, aprueba la venta a Marruecos, pol afayaízu preciu d’un euru, de torpedos lixeros MK-46. Por si ello nun tuviera abondo feo, resulta qu’estes vendes nun son acordies cola llexislación española.
-1976. 14 de payares. Felipe González, xunto con otros dirixentes socialistes, visita los campamentos de refuxaos en Tindouf y nun discuru encesu diz que “ PSOE estaría con los saharauis hasta la victoria final”.
-El PSOE y el Frente Polisario emiten un comunicáu, teñíu de prosa internacionalista, declarando nulu l’alcuerdu de Madrí y denunciando la guerra d’esterminiu fecha por Marruecos contra’l Pueblu Saharaui.
-N’avientu d’esti añu’l XXVII Congresu del PSOE adopta una resolución d’apoyu a la autodeterminación de los saharauis y al Frente Polisario (toos sabemos que pasó con tou ello bien poco después).
-1983. 11 de mayu. El recordáu ministru socialista d’Esteriores, Fernando Morán, afirma qu’España apoya’l derechu del Pueblu Saharaui a la independencia, pero en llegando les votaciones de la ONU el gobiernu del PSOE apúntase a la abstención.
-1 d’agostu. Los gobiernos del socialista Felipe González y de Marruecos firmen un alcuerdu de pesca n’agües saharauis.
-2008. Segunda gobernanza socialista, agora de la man del ‘talentosu’ José Luis Rodríguez Zapatero. El gobiernu del PSOE vende, a preciu simbólicu, llanzadores de bombes de fragmentación a l’aviación marroquina.
- 27 de xunu. El Conseyu de Ministros, presidíu por Zapatero, l’artífice de l’Alianza de Civilizaciones, aprueba la venta a Marruecos, pol afayaízu preciu d’un euru, de torpedos lixeros MK-46. Por si ello nun tuviera abondo feo, resulta qu’estes vendes nun son acordies cola llexislación española.
Vamos, que lo de los socialistes ye una amistanza de lo más aconseyable. ¿O igual non? Ello ye que cada cualu ye mui llibre de facer la so escoyeta, pa bien o pa lo contrario.
#1 by wenceslao on 11/12/2009 - 20:47
Lo que pasa es que los del Polisario son unos pardillos. Como sigan fiándose de Zapatero y los de la ceja ya se pueden dar por exterminados.